Nedturen
Med Smith ute av bandet, vart Janick Gers valt som erstattar. Det var ikkje dei einaste skiftet. Også stilen stod for forandring. No skulle sceneshowet strippast ned - og musikalsk sett bar det tilbake til røtene. Det gjekk ikkje så bra...
No Prayer For The Dying (1990)
Terningkast: 3
Enkelte brukbare songar fekk sin plass på skiva, men heller ikkje Tailgunner, Holy Smoke eller Bringing Your Daughter ... To The Slaughter var det heilt store. Det til tross for at sistnemnte song vart Maiden sin første til å toppe den britiske singellista. Totalinntrykket av plata er svakt - men kanskje var vi berre blitt vande med at Maiden alltid leverte.
Fear Of The Dark (1992)
Terningkast: 4
Neste plate ut var eit hakk betre, men det kjem nok av at plata har ein song som stikk seg spesielt ut: Fear Of The Dark. Låten er i aller høgste grad betre live, men studioversjonen gjer seg heller ikkje vekk. Elles kunne både Afraid To Shoot Strangers, From Here To Eternity og Be uick Or Be Dead hevde seg. Plata er dessverre altfor lang (58 min) i høve til kvaliteten, og både Chains Of Misery og Judas Be My Guide burde blitt igjen i studio.
Så forsvann også Bruce Dickinson, fordi han vart lei og umotivert. Plateselskapet utnytta det til det fulle, og heile tre livealbum vart gitt ut etter at han slutta:
A Real Dead One - Klassikarar frå dei fem første albuma. Nesten utan høgdepunkt - ei unødvendig plate. Terningkast: 2
A Real Live One - Songar frå dei fire siste albuma. Langt betre utført enn dei gamle klassikarane. Terningkast: 4
Live At Donigton - For andre gong spelte Maiden på Monsters Of Rock. Det måtte sjølvsagt dokumenterast. Ei heilt grei dobbel liveplate. Materialet skil seg ikkje ut frå dei A Real Dead/Live One. Terningkast: 3
Det var ikkje berre Dickinson som gav seg. Det gjorde også produsent Martin Birch. Kunne dette gå bra?
Subscribe to:
Post Comments (Atom)
5 comments:
No Prayer er ikke det helt store nei, men Fear of the Dark har som du nevner et par knallåter. Afraid to shoot Strangers er en av bandets sterkeste komposisjoner synes jeg.
det rare er at bayley framfører afraid to shoot strangers bedre enn dickisndon - i alle fall videoen med bayley. veit ikkje om versjonen er på cd.
Har ikke hørt Bayley synge den, men det skal jeg sjekke ut.
det er gitt ut video når bayley syng den. har du visions of the beast?
Jeg må si meg uenig, Blaze synger absolutt ikke Afraid To Shoot Strangers bedre enn Bruce. Faktisk liker jeg veldig godt måten Bruce synger i den låta.
Post a Comment